لاہور(مانیٹرنگ ڈیسک)ہم پنجاب کے وزیر قانون رانا ثنا اللہ کی وضاحت پر مطئمن ہیں ، پیر حمید الدین سیالوی کے صاحبزادے نظام الدین سیالوی کا اعلان ، نجی ٹی وی کو انٹرویو دیتے ہوئے انہوں نے کہا کہ ہم رانا ثنا اللہ کی وضاحت پر مطمئن ہیں، پیر سیالوی شریف کو حکومت کے خلاف استعمال کرنے کی سازش کی جا رہی تھی۔ ایک کوشش ناکام ہونے پر اب بھی مزید کوششیں کی جا رہی ہیں ،جس کے لیے انہیں
رقم کی پیشکش بھی کی گئی۔ مذہبی معاملے کو سیاسی رنگ دینے کی کوشش کی گئی لیکن ہم نے انہیں صاف کہہ دیا ہے کہ آپ کوئی اور گھر دیکھیں۔نظام الدین سیالوی نے کہا کہ کچھ خفیہ طاقتوں نے جلسے کے بعد ہمیں دھرنا دینے کا کہاتھا۔انہی خفیہ طاقتوں نے قاسم سیالوی کو بھی غلط گائیڈ کیا۔واضح رہے اس سے پہلے پیر حمید الدین سیالوی کی جانب سے بھی رانا ثنا اللہ کی وضاحت پر اطمینان کا اظہار کیا گیاتھا۔
