ساہیوال(این این آئی) نواحی چک 96سکس آر میں خاوند نے بیوی کو بد چلنی کے شبہ میں قتل کر کے خود کشی کا ڈرامہ رچایا عدالت کے حکم پر پولیس نے 16ماہ بعد خاوند،اسکے دو ساتھیوں کے خلاف مقدمہ درج کر لیا ۔واقعات کے مطابق امیر داد معافی کے الہیٰ بخش کی بیٹی خالدہ کی شادی عر صہ سات سال قبل چک 96سکس آر کے ریاض سے ہوئی لیکن میاں نے بیوی پر بد چلنی کا الزام لگایا جس پر دونوں میں جھگڑا ہو گیا اور خاوند ریاض نے 26ستمبر 2016کی رات کو دودھ میں
زہر دے دیا جس سے اس کی حالت خراب ہو گئی 27ستمبر کو صبح سوا تین بجے خالدہ ہسپتال میں دم توڑ گئی تو اسے دفن کرا دیا گیا ۔جس کے بعد خالدہ کے باپ الہیٰ بخش کی رپورٹ پر عدالت کے حکم پر قبر کشائی کے بعد خالدہ کی لاش کا پوسٹ مارٹم کرایا گیا اور زہر کی تصدیق ہو گئی جس پر عدالت کے حکم پر پولیس فرید ٹاؤن نے 16ماہ بعد محمد ریاض اور ان کے دو ساتھیوں کے خلاف مقدمہ 302ت پ درج کر کے تفتیش شروع کر دی ہے ابھی تک کوئی ملزم گرفتار نہیں ہو سکا۔
