لاہور( این این آئی) پیپلز پارٹی کے رہنما کے ٹریفک حادثے میں انتقال کے باعث پیپلز پارٹی پنجاب کا اجلاس اور بریفنگ ملتوی کر دی گئی ۔ پنجاب کے صدر قمر زمان کائرہ کی زیر صدارت پانچ فروری کو موچی گیٹ میں جلسے کے حوالے سے اجلاس جاری تھا کہ اسی دوران پی پی جھنگ سے رہنما سرفراز درانی کی ٹریفک حادثے میں انتقال کی
اطلاع آ گئی جس کے سوگ میں اجلاس کی کارروائی فوری ختم کر دی گئی جبکہ پریس بریفنگ ملتوی کر دی گئی ۔پیپلز پارٹی پنجاب کے ڈپٹی جنرل سیکرٹری ملک عثمان کے مطابق پارٹی کے جھنگ سے رہنما سرفراز درانی موچی گیٹ جلسے کی تیاریوں کے سلسلہ میں لاہور آرہے تھے کہ پنڈی بھٹیاں کے قریب ٹریفک حادثے میں انتقال کر گئے ۔
