اسلام آباد (مانیٹرنگ ڈیسک) ایک خاتون ٹیچر نے موٹر سائیکل پر سوار دو نوجوانوں کو پرس چھیننے کی کوشش پر ٹھکائی کر دی، ایک نجی ٹی وی چینل کی رپورٹ کے مطابق راولپنڈی کے ایف بلاک سیٹلائٹ ٹاؤن میں دو خواتین اساتذہ کو لوٹنے کی کوشش ناکام ہو گئی، دو خواتین ٹیچر سڑک پر آ رہی تھیں کہ پیچھے سے دو موٹر سائیکل سوار ڈاکو آئے انہوں نے ایک خاتون ٹیچر سے پرس چھیننے کی کوشش کی لیکن اس کوشش کے دوران وہ پرس تو نہ چھین سکے مگر اپنا توازن برقرار نہ رکھ سکے اور کچھ ہی دور جا کر گر پڑے۔
جس پر بہادر خاتون نے انہیں سبق سکھانے کا فیصلہ کیا اور ان پر جھپٹ پڑی ان پر لاتوں اور گھونسوں کی بارش کر دی، اس دوران شہریوں نے ایک موٹر سائیکل سوارکو پکڑ لیا جب کہ دوسرا فرار ہونے میں کامیاب ہو گیا، پکڑے گئے موٹر سائیکل سوار ڈاکو کو پولیس کے حوالے کر دیا گیا ہے۔ ایک خاتون ٹیچر نے موٹر سائیکل پر سوار دو نوجوانوں کو پرس چھیننے کی کوشش پر ٹھکائی کر دی، ایک نجی ٹی وی چینل کی رپورٹ کے مطابق راولپنڈی کے ایف بلاک سیٹلائٹ ٹاؤن میں دو خواتین اساتذہ کو لوٹنے کی کوشش ناکام ہو گئی
