اسلام آباد(آئی این پی)وزیر مملکت اطلاعات مریم اورنگزیب نے کہا ہے کہ منیر احمد قریشی نام کے بچے کو عوامی خدمات کی تڑپ اور انسانوں سے محبت نے منو بھائی بنا دیا۔ منو بھائی نے نوجوان نسل کو امید اور جستجو کا پیغام دے کر رہنمائی کیلئے کوشاں رہے ‘ خون کے عارضہ شکار بچوں کے لئے سندس فائونڈیشن منو بھائی کا صدقہ جاریہ ہے۔ جمعہ کو مریم اورنگزیب نے منو بھائی کے انتقال پر گہرے رنج و غم کا
اظہار کرتے ہوئے کہا کہ منو بھائی کی وفات پر درد دل رکھنے والے حساس انسان کیلئے بہت بڑا صدمہ ہے۔ منو بھائی کا انتقال بہت بڑا سماجی اور قومی نقصان ہے۔ منیر احمد قریشی نام کے بچے کو عوامی خدمات کی تڑپ اور انسانوں سے محبت نے منو بھائی بنا دیا۔ انہوں نے کہاکہ منو بھائی نے علم و اد ب کے تمام شعبہ جات میں نام کمایا۔
منو بھائی نے نوجوان نسل کو امید اور جستجو کا پیغام دے کر رہنمائی کیلئے کوشاں رہے۔ خون کے عارضہ شکار بچوں کیلئے سندس فائونڈیشن منو بھائی کا صدقہ جاریہ ہے۔ مریم اورنگزیب نے مرحوم کے بلند درجات اور پسماندگان کیلئے صبر جمیل کی دعا کی ہے۔
