راولپنڈی (مانیٹرنگ ڈیسک) معروف صحافی و اینکر پرسن جاوید چوہدری نے موٹروے پولیس کے افسران و جوانان کو اپنی پیشہ ورانہ ذمہ داریوں کی انجام دہی میں مثبت سوچ اپنانے کی ضرورت پر زور دیتے ہوئے کہا کہ اپنی زندگی کے مقصد کا تعین کرنے کے ساتھ ساتھ اس کی تکمیل پر کار بند رہنا ہی کامیابی کی ضمانت ہے یہ بات انہوں نے نیشنل ہائی ویز اینڈ موٹروے پولیس این فائیو نارتھ زون کے زیراہتمام منعقدہ موٹیویشنل پروگرامAn Hour With The Guest میں گفتگو کرتے ہوئے کہی اس موقع پر
ڈی آئی جی نارتھ زون عبا س احسن بھی موجود تھے جاوید چوہدری نے کہا کہ شاہراہوں پر منظم ٹریفک مہذب معاشرے کی عکاس ہے اور دورانِ سفر قومی شاہراہوں پر اعلیٰ اقدار کا مظاہرہ کرنا ہم سب پر لازم ہے سید عباس احسن نے کہا کہ موٹروے پولیس کے محکمہ کی ترقی کا دارومدار دیانت، خوش اخلاقی اور بے لوث مدد کے جذبہ پر منحصر ہے انہوں نے انہی اقدار کو اپنا مقصد حیات بنانے کی تلقین کیاس موقع پر ڈی آئی جی عباس احسن نے مہمان شخصیت جاوید چوہدری کو یادگاری شیلڈ پیش کی۔
