اوکاڑہ (مانیٹرنگ ڈیسک) معاشرے میں شرافت کا لبادہ اوڑھے بے حس لوگوں نے معصوم بچوں اور بچیوں سے زیادتی کرنا معمول بنا لیا ہے، زیادتی کیسوں میں ایسے ایسے لوگ سامنے آ رہے ہیں کہ جن دیکھ کر انسان کا خوف کھول جائے کہ یہ شخص بھی ایسا کر سکتا ہے، ہر شخص چاہتاہے کہ اس کے بچے اچھی دینی و دنیاوی تعلیم حاصل کریں لیکن زیادتی کے واقعات منظر عام پر آنے سے لوگ خوفزدہ ہو چکے ہیں، درندگی کا ایسا ہی ایک اور واقعہ سامنے آیا ہے جس میں باسط ٹاؤن میں ایک معلم نے

جو کہ گھر میں پڑھانے کے لیے آتا تھا، اپنی 7سالہ معصوم شاگردہ کو اپنی ہوس کا نشانہ بنا ڈالا۔ یہ معلم بچی کو گھر قرآن پاک پڑھانے آتا تھا، گزشتہ روز اس درندہ صفت معلوم نے باقی بچوں کو چھوٹی دے دی اور سات سالہ معصوم اریحہ کو روک لیا کہ اسے ابھی سبق یاد نہیں ہے، اس کے بعد اس درندے نے بچی کو زیادتی کا نشانہ بنایا اور وہاں سے فرار ہو گیا،پولیس نے ملزم عبدالمالک کو گرفتار کر لیا ہے اور اس نے پولیس کے سامنے اپنے جرم کا اقرار بھی کر لیا ہے، پولیس نے ملزم عبدالمالک کے خلاف مقدمہ درج کر لیا ہے۔