سرگودھا(این این آئی)سرگودھا کے نواح میں 7ماہ سے اغواء ہونے والی 16سالہ لڑکی کے اغواء کاروں کی عدم گرفتاری پر مظاہرین نے پریس کلب اور نوری گیٹ کے سامنے احتجاج کیا۔ٹائرروں کو آگ لگا کر ٹریفک بھی معطل کردی گئی۔ذرائع کے مطابق نواحی چک 104جنوبی سے 7ماہ قبل 16سالہ لڑکہ صباء انور کو اغواء کیا گیا۔ تھانہ صدر پولیس نے اغواء کاروں
کیخلاف مقدمہ درج کیا لیکن ابھی تک مغویہ بازیاب نہیں کروائی اور نہ ہی ملزمان کو گرفتار کیا۔ مظاہرین نے ٹائروں کو آگ لگا کر خوشاب سرگودھا روڈ پر ٹریفک کیلئے معطل کر دی۔ اور پولیس کیخلاف شدید نعرے بازی کرتے ہوئے وزیر اعلیٰ پنجاب سے مطالبہ کیا کہ وہ واقعہ کا نوٹس لیں اور زمہ داران کیخلاف کاروائی کریں۔ احتجاج کے باعث ٹریفک بھی معطل ہوگئی۔
