وزیر آباد(مانیٹرنگ ڈیسک ) زینب قتل کیس کے منظر عام پر آنے کے بعد ملک کے طول و عرض سے کمسن بچوں کے ساتھ جنسی زیادتی کے افسوسناک واقعات سامنے آ رہے ہیں۔ ایسا ہی ایک دلخراش واقعہ وزیر آباد میں بھی پیش آیا ہے جہاں اوباش نوجوان نے 10سالہ بچی کو رسیوں سے باندھ کر اس کے سامنے اسکی 13سالہ بہن کو زیادتی کا نشانہ بنا ڈالا۔تفصیلات کے مطابق 13سالہ سائرہ اپنی 10سالہ بہن کے ساتھ اوباش وڈیرےکے ڈیرے پر کام کرنے آئی تھیں۔

بدقماش وڈیرے نے دونوں بچیوں کو پکڑ لیااور 10سالہ کومل کو رسیوں سے باندھ دیا جبکہ سائرہ کو اسکی کمسن بہن کے سامنے زیادتی کا نشانہ بنا ڈالا ۔بچیوں کے شور مچانے کے باوجود ظالم درندہ 13سالہ سائرہ کو اس کی 10سالہ بہن کے سامنے مسلسل زیادتی کا نشانہ بناتا رہا۔بچی کے لواحقین کی شکایت پر پولیس نے ملزم کو گرفتار کر لیا ہے جس سے تفتیش کی جا رہی ہے۔جبکہ ملزم اور متاثرہ بچی کےڈی این اے ٹیسٹ کے لیے نمونے لیبارٹری کو بھجوا دئیے گئے ہیں ۔