اسلام آباد (مانیٹرنگ ڈیسک) اگر زینب کا قاتل ہمارا کوئی رشتہ دار ہے تب بھی اس کو سر عام پھانسی دی جائےاور عبرت کا نشان بنا یا جائے۔زینب اور اس کے قاتل کی نئی سی سی ٹی وی فوٹیج سامنے آنے کے بعد ننھی مقتولہ کے والد کا موقف بھی سامنے آگیا ہے۔تفصیلات کے مطابق زینب واقعہ سے جڑی ایک اہم سی سی ٹی وی فوٹیج سامنے آئی ہے جس میں دیکھا جا سکتا ہے کہ شلوار قمیض میں ملبوس ایک شخص جس نے کوٹ بھی پہن رکھا ہے زینب کو اشارے سے بلاتا ہے جس پر زینب
بغیر کچھ سوچے سمجھے اس کے پیچھے چل پڑتی ہے جس سے ظاہر ہورہا ہے کہ زینب کا قاتل ممکنہ طور پر کوئی قریبی رشتہ دار ہے جس سے زینب نہ صرف مانوس تھی بلکہ اس کی بات پر عمل بھی کرتی تھی۔ سی سی ٹی وی فوٹیج سامنے آنے پر زینب کے والد محمد امین انصاف کا موقف سامنے آیا ہے جس میں انہوں نے نجی ٹی وی سے بات کرتے ہوئے کہا ہے کہ اگر زینب کا قاتل ہمارا کوئی قریبی رشتہ دار بھی ہے تب بھی اسے سر عام پھانسی دی جائے اور عبرت کا نشان بنایا جائے۔
