لاہو ر(مانیٹرنگ ڈیسک) صوبائی دارلحکومت لاہور میں پیر مکی روڈ پر دو نامعلوم موٹر سائیکل سواروں کی فائرنگ سے 2افراد جاں بحق جبکہ تین افراد شدید زخمی ہو گئے جنہیں تشویشناک حالت میں ہسپتال منتقل کر دیا گیا جبکہ ملزمان فرار ہو گئے ،مقتولین کے ورثاء اور اہل علاقہ نے واقعے کے خلاف شدید احتجاج کرتے ہوئے ٹائر جلا کر روڈ بلاک کر دی جبکہ مشتعل مظاہرین نے بسوں کے شیشے توڑ دیئے اور میٹرو بس اسٹیشن میں بھی توڑ
پھوڑ کی ۔ بتا یا گیا ہے کہ لاہو رکے علاقہ پیر مکی روڈ پر دو نامعلوم موٹر سائیکل سواروں نے اندھا دھند فائرنگ کر دی جس کے نتیجے میں 2افراد جاں بحق اور تین شدید زخمی ہو گئے جنہیں طبی امداد کے لئے قریبی ہسپتال منتقل کر دیا گیا ہے ۔ جاں بحق ہونیوالوں میں ظہور اور اول خان شامل ہیں ۔واقعے کے بعد ملزمان باآسانی فرار ہو گئے ۔ پولیس کے بروقت نہ پہنچنے پر ورثاء اور اہل علاقہ مشتعل ہوگئے اور ٹائر جلا کر روڈ کر ٹریفک لئے بند کر دیا اور کئی بسوں کے شیشے توڑ دئیے جس سے ٹریفک کا سارانظام درہم برہم ہوکر رہ گیا ۔ مشتعل مظاہرین نے میٹرو بس اسٹیشن میں گھس کر بھی توڑ پھوڑ شروع کر دی اور حالات کشیدہ ہونے پر میٹر وبس سروس کو بھی عارضی طورپر معطل کردیاگیا ۔ اس موقع پر مظاہرین کاکہنا تھا کہ واقعہ کے فوری بعد پولیس کو اطلاع دی گئی لیکن پولیس ڈیڑھ گھنٹے بعد پہنچی ،اگر پولیس بروقت پہنچ جاتی توملزمان کو گرفتارکیا جاسکتاتھا ۔ بعد ازاں پولیس کے افسران موقع پر پہنچے اور مظاہرین کے ساتھ مذاکرات کرنے کی کوشش کی لیکن مظاہرین نے ملزمان کی گرفتار ی تک احتجاجی ختم کرنے سے انکار کر دیا ۔ صوبائی دارلحکومت لاہور میں پیر مکی روڈ پر دو نامعلوم موٹر سائیکل سواروں کی فائرنگ سے 2افراد جاں بحق جبکہ تین افراد شدید زخمی ہو گئے جنہیں تشویشناک حالت میں ہسپتال منتقل کر دیا گیا جبکہ ملزمان فرار ہو گئے مشتعل مظاہرین نے بسوں کے شیشے توڑ دیئے
