اسلام آباد (مانیٹرنگ ڈیسک) وفاقی دارالحکومت اسلام آباد پولیس نے چند روز قبل ڈے کیئر سینٹر سے اغوا کی گئی 6 ماہ کی بچی کو بازیاب کراتے ہوئے خاتون اور اس کے شوہر کو گرفتار کرلیا۔میڈیا رپورٹ کے مطابق اسلام آباد پولیس نے جھنگ باہتر کے قریبی گاؤں میں کارروائی کرتے ہوئے اغوا کی گئی 6 ماہ کی بچی کو بازیاب کرایا اور میاں بیوی
کو حراست میں لے لیا۔پولیس کے مطابق اسلام کے ڈے کیئر سینٹر سے چند روز قبل 6 ماہ کی بچی کو ہما نامی آیا نے اغوا کیا جس کے بعد اس نے بچے کو شادی شدہ جوڑے کے حوالے کردیا۔پولیس کا کہنا ہے کہ ملزمان کو موبائل فون کے ذریعے ٹریس کیا گیا جس کے بعد میاں بیوی کو حراست میں لے لیا تاہم بچی کو اغوا کرنے والی آیا مفرورہے۔
