اسلام آباد(مانیٹرنگ ڈیسک)پاکستان کے موقر قومی اخبار روزنامہ خبریں میں شائع ہونے والی ایک رپورٹ کے مطابق بہاولپور کے مشہور زمانہ ہوسٹس زیادتی کیس میں مزید انکشاف سامنے آگئے ہیں۔ احمد پور شرقیہ کی دربار نور شاہ بخاری کے سجادہ نشین مخدوم سید مظفر شاہ بخاری
کے بھی ملوث ہونے کا انکشاف ہوا ہے جنہیں شامل تفتیش کر لیا گیا ہے۔ بہاولپور تھانہ بغداد الجدید کی پولیس سجادہ نشین سید مظفر شاہ بخاری کی گرفتاری کیلئے متحرک ہو گئی ہے تاہم سید مظفر شاہ بخاری گرفتاری کے خوف سے روپوش ہو گئے ہیں۔ دوران تفتیش گرفتار ملزم امجد اسلام نے بتایا ہے کہ مسماۃ(ع)سے زیادتی مخدوم سید مظفر شاہ بخاری کی کوٹھی بہاولپور میں کی ہے جس پر پولیس تھانہ بغداد الجدید نے سجادہ نشین موصوف کو بھی شامل تفتیش کر لیا ہے۔ اخبار کے ذرائع کے مطابق مخدوم سید مظفر شاہ بخاری کی کوٹھی پر آئے روز ایسی ہی رنگین نائٹ گزرتی تھیں اسے فحاشی کا اڈہ بنایا ہوا ہے جہاں پر نامور سیاسی شخصیات کو دعوتیں دی جاتی رہیں، مزید کئی نام سامنے آئیں گے۔ شہریوں محمد سلیم، مشتاق احمد، ارشد چوہدری، شاہد بھٹی، عمران علی اور حضور بخش نے آر پی او بہاولپور اور ڈی پی او بہاولپور سے مطالبہ کیا ہے کہ سجادہ نشین مخدوم سید مظفر شاہ بخاری کو گرفتار کر کے حقائق پر تفتیش کی جائے تو کوئی سیاستدان بے نقاب ہو جائیں گے اور ملزمان سے کوئی رعایت برتی گئی تو ہم احتجاج کرینگے۔
