اسلام آباد(مانیٹرنگ ڈیسک)عمران خان کی مبینہ اہلیہ و روحانی شخصیت بشریٰ بی بی اور ان کے سابق شوہر خاور مانیکا کے متعلق یہ بات مشہور ہے یا کر دی گئی ہے کہ وہ اپنی روحانیت کو بابا فریدؒ کے دربار سے منسوب کرتے ہیں تاہم اس حوالے سے ان کا کوئی ذاتی بیان کبھی سامنے نہیں آسکا۔ سوشل میڈیا پر ایک ویڈیو تیزی سے وائرل ہو رہی ہے جس میں ایک نامعلوم شخص کسی سے موبائل فون پر گفتگو کرتے ہوئے بشریٰ بی بی اور ان کے سابق شوہر خاور مانیکا کی بابا فریدؒ سے نسبت کی تردید کر رہا ہے۔ اپنی گفتگو میں یہ شخص کہہ رہا ہے
کہ بشریٰ بی بی اور خاور مانیکا کا تعلق نہ تو بابا فریدؒ کے خانوادے سے ہے اور نہ ہی ان کویا ان کے خاندان میں سے کسی کو خلافت سے نوازا گیا بلکہ بابا فریدؒ نے ان کے آبائو اجداد کو مسلمان کیا تھا۔ نامعلوم شخص اپنی گفتگو میں سلسلہ چشتیہ کا بھی ذکر کرتا ہے اور بتاتا ہے کہ چشتیہ سلسلہ جو کہ چار روحانی سلاسل میں سے ایک ہے میں تو خاتون نہ تو خلافت کی مجاز ہوتی ہے اور نہ ہی اس وجہ سے وہ کوئی مرید بنا سکتی ہے کیونکہ مرید کیلئے ضروری ہے کہ وہ مرشد کی بیعت کرے لہٰذا سلسلہ چشتیہ میں عورت کی بیعت کرنا بھی حرام ہے۔
