اسلام آباد(مانیٹرنگ ڈیسک)عمران خان کی بشریٰ مانیکا سے مبینہ تیسری خفیہ شادی اس وقت میڈیا پر ہاٹ ایشو بنی ہوئی ہے۔ ایک طرف تحریک انصاف عمران خان کا دفاع کرتی نظر آتی ہے جبکہ سیاسی مخالفین مذاق اور تنقید کا سلسلہ جاری رکھے ہوئے ہیں۔ ایکسپریس نیوز کے پروگرام ’’ٹو دی پوائنٹ‘‘میں پیپلزپارٹی کے رہنما شوکت بسرا نے عمران خان کی تیسری مبینہ خفیہ شادی پر دلچسپ تبصرہ کرتے ہوئے کہا ہے کہ’’ ایک بات تو ماننی پڑے گی کہ تحریک انصاف کا گرو تگڑا ہے، اس نے نہ پیر چھوڑے نہ مرید‘‘۔
پروگرام میں شریک تحریک انصاف کے رہنما علی محمد خان شوکت بسرا کے اس تبصرے پربالکل خاموش ہو گئے اور ان کے چہرے پر غصے کے تاثرات بھی نمایاں ہوئے جبکہ پروگرام میں شریک ن لیگ کی خاتون رہنما مائزہ حمید کھلکھلا کر ہنس پڑیںجس پر پروگرام کے میزبان منصور علی خان نے شوکت بسرا کو کہا کہ آپ کی بات کسی اور کو اچھی لگے نہ لگے مائزہ نے اس کو خوب انجوائے کیا ہے۔ واضح رہے کہ پروگرام میں چوتھے شریک مہمان عوامی تحریک کے رہنما خرم نواز گنڈا پور تھے جو اس بات پر خاموش رہے۔
