اسلام آباد (مانیٹرنگ ڈیسک) نا اہلی کیس میں بھرپور ساتھ دینے پر شیخ رشید نے عمران خان کو جمائمہ سے دوبارہ شادی کا مشورہ دیدیا۔ نجی ٹی وی سے گفتگو کرتے ہوئے عوامی مسلم لیگ کے سربراہ کا کہنا تھا کہ کئی سال پرانی دستاویزات فراہم کرنے پر جمائمہ خان قابل تعریف ہیں میں تو عمران خان کو مشورہ دوں گا کہ اگر انہوں نے دوبارہ شادی کرنی ہے تو جمائمہ خان سے ہی کر لیں کیونکہ ایک سیاستدان کیلئے پرانی دستاویزات اکٹھی کرنا
یا سنبھالنا بہت مشکل ہوتا ہے مگر جمائمہ نے بڑا زبردست کام کیا ہے۔ ان کا کہنا تھا کہ بڑا خوف کا عالم تھا اور اگر عمران خان نااہل ہو جاتے تو یہاں ہو کا عالم ہوتا اور لوگ شدید ذہنی دباؤ کا شکار ہو جاتے۔ جہانگیر ترین کیساتھ بھی تکنیکی بات ہوئی ہے اور اب اس فیصلے کے بعد مسلم لیگ (ن) کے بہت سارے ایم این اے بھی تحریک انصاف میں آئیں گے جو مجھے کہتے تھے کہ اس فیصلے کے بعد آپ سے رجوع کریں گے۔
