اسلام آباد (مانیٹرنگ ڈیسک) چیئرمین پاکستان ٹیلی ویژن عطاء الحق قاسمی نے وزارت اطلاعات کے ساتھ اختلافات کی بنا پر عہدے سے استعفیٰ دے دیا۔بدھ کے روز چیئرمین پی ٹی وی عطاء الحق قاسمی نے اپنے عہدے سے استعفیٰ دیدیا ہے۔ عطاالحق قاسمی نے استعفے میں موقف اختیار کیا کہ وزارت اطلاعات کی
جانب سے ناموافق حالات کے باعث عہدے سے استعفیٰ دے رہا ہوں ۔ وزارت اطلاعات نے مشکلات کھڑی کردی تھیں،کام جاری رکھنا ممکن نہیں رہا، یاد رہے کہ عطاء الحق قاسمی سابق وزیر اعظم نواز شریف کے بہت قریبی سمجھے جاتے ہیں، انہیں دسمبر2015میں چیئرمین پی ٹی وی کے عہدے پر تعینات کیا گیا تھا۔
