کراچی(این این آئی) چینی باشندے کو اے ٹی ایم مشین میں اسکمنگ ڈیوائس نصب کرتے ہوئے سی سی ٹی وی کیمرے کی آنکھ نے محفوظ کرلیا جس میں دیکھا گیا ہے کہ چند منٹوں میں چینی باشندہ اپنی کارروائی کر گیا۔میڈیا رپورٹ کے مطابق ایف آئی اے کو بینک انتظامیہ کی جانب سے اسکمنگ ڈیوائس نصب کیے جانے کی سی سی ٹی وی وڈیو

فراہم کی گئی ہے،ویڈیو میں ایک چینی باشندہ اور ایک پاکستانی ملزم ڈیوائس نصب کرتے نظر آئے ۔ ذرائع کے مطابق سی سی ٹی وی وڈیو ڈی ایچ اے کی ہے اور واردات گزشتہ ماہ کی 16 تاریخ کو کی گئی جبکہ ملزمان نے دوپہر 4 بجکر 21 منٹ پر ڈیوائس نصب کرنا شروع کی وڈیو میں دیکھا گیاکہ چائینیز ملزم اے ٹی ایم میں پہلے سے موجود ہے جبکہ دوسرا پاکستانی ملزم اے ٹی ایم میں داخل ہو کر اسے ڈیوائس تھماتا ہے اور پھر چلا جاتا ہے۔ دونوں ملزمان نے ڈیوائس کیتنصیب بینک کے اوقات میں ہی کی جبکہ بینک انتظامیہ کو ان کے چلے جانے کے بعد ڈیوائس نصب ہونے کا پتا چلا جس کے بعد متاثرہ اے ٹی ایم مشین کو تبدیل کردیا گیا۔ بینک انتظامیہ نے ملزمان کی گرفتاری کیلئے سی سی ٹی وی ویڈیو ایف آئی اے کے حوالے کردی ہے۔

موضوعات:کراچی ، اے ٹی ایم مشین ، چینی باشندہ