پشاور(مانیٹرنگ ڈیسک) پاکستان پیپلزپارٹی کے صوبائی صدرہمایون خان نے کہاکہ گورنرخیبرپختونخوااقبال ظفرجھگڑاپارٹی کے مرکزی جنرل سیکرٹری منتخب ہونے کے بعد آئینی طورپرگورنرشپ کاعہدہ کھوچکے ہیں اورموجودہ وقت صوبہ بغیرگورنرکے چل رہاہے۔ سپیکرصوبائی اسمبلی کوچاہیے کہ وہ قائم مقام گورنرکاچارج سنھبال لیں قانونی مشاورت کرکے عدالت سے رجوع کریں گے۔

ان خیالات کا اظہارانہوں نے گزشتہ روزپشاورپریس کلب میں پارٹی کے رہنماؤں سابق گورنرخیبرپختونخوامسعودکوثر،اکبرخان،گوہرخان اوردیگرکے ہمراہ پریس کانفرنس کرتے ہوئے کیاانہوں نے کہاکہ اس وقت ملک بحرانوں کے لپیٹ میں ہیں لیکن نواز شریف جان بوجھ کر ملک کو انارکی کی طرف لے جارہے ہیں انہوں نے کہاکہ نواز شریف کو اس اقدام سے قبل سوچنا چاہئے تھا کیونکہ گورنرآئینی عہدہ ہے اورگورنر کسی سیاسی جماعت کا عہدہ نہیں رکھ سکتاہے ان کاکہناتھاکہ اس وقت صوبہ گورنر کے بغیر چل رہا ہے اور بحران کا شکار ہے کیونکہ گورنر آئینی عہدہ ہے اقبال ظفر جھگڑایہ عہدہ کھوچکے ہیں اوران کے مرکزی جنرل سیکرٹری بناناپولیٹیکل پارٹی ایکٹ 2002کے متضادہے۔ اب اگراقبال جھگڑا پارٹی کاعہدہ چھوڑ بھی دیں تو آئینی بحران برقرار رہے گا۔ہمایون خان کا کہناتھاکہ ہمارے صوبے کا گورنر فاٹا کا چیف ایگزیکٹو بھی ہے آئین کے مطابق فیصلوں میں ملک کی بقا ہے لیکن نوازشریف مسلسل غلطیاں کر رہے ہیں ان کاکہناتھاکہ پیپلز پارٹی عملی طورپرآئین کی حکمرانی پر یقین رکھتی ہے سوچ رہے تھے کہ اقبال ظفرجھگڑاپارٹی کے مرکزی جنرسیکرٹری منتخب ہونے کے بعدعہدہ چھوڑدئینگے لیکن ایسانہیں ہوا اس معاملہ پر قانونی جنگ لڑے گی۔