اسلام آباد(مانیٹرنگ ڈیسک)راولپنڈی کے علمائے کرام نے مجھ سے فیض آباد دھرنے کے دوران درخواست کی تھی کہ شیخ صاحب آپ نے کیپٹن صفدر کو کچھ نہیں کہنا وہ ہمارے ساتھ ہے، ہو سکتا ہے کہ وہ دھرنے میں بھی آجائے، کیپٹن صفدر ختم نبوتؐ معاملے پر تحریک لبیک یا رسول اللہ کے فیض آباد دھرنے کے دوران وکٹ کے دونوں طرف کھیلتا رہا ہے، نجی ٹی وی کو انٹرویو میں
عوامی مسلم لیگ کے سربراہ شیخ رشید احمد کا انکشاف، ایک عینی شاہد کے مطابق اس کے سامنے حمزہ شہباز نے کیپٹن صفدر کو تھپڑ دے مارا تھا، انٹرویو لینے والے اینکر نے بھی سنسنی خیز واقعہ سے پردہ اٹھا دیا۔تفصیلات کے مطابق نجی ٹی وی کے اینکر نے عوامی مسلم لیگ کے سربراہ شیخ رشید احمد کا انٹرویو کرتے ہوئے ان سے سوال پوچھا کہ ختم نبوتؐ معاملے میں تحریک لبیک یا رسول اللہ کے فیض آباد دھرنے کے معاملے میں سمجھ نہیں آئی کہ کیپٹن صفدر کس طرف ہیں ، خاندانی معاملات میں بھی سمجھ نہیں آرہی کہ کیپٹن صفدر کی کیا حیثیت ہے، ایک عینی شاہد کے مطابق اس کے سامنےایک دفعہ حمزہ شہباز نے کیپٹن صفدرکے منہ پر تھپڑ ماراتھا، آپ نے ان کو بہت قریب سے دیکھا ہے ، کیپٹن صفدر کی کیا ویلیو اور حیثیت ہے؟ جس پر جواب دیتے ہوئے عوامی مسلم لیگ کے سربراہ شیخ رشید احمد نے جواب دیتے ہوئے کہا کہ میں سیاسی آدمی ہوں کوئی ایسی بات نہیں کرنا چاہوں گا کہ جس کو میں نہیں جانتا، میں ابھی ایک مدرسے سے ہو کر آرہا ہوں، اس مدرسے کے فیض آباد دھرنے کے خلاف آپریشن میں طالب علم بھی جاں بحق ہوئے ہیں۔ شیخ رشید نے انکشاف کرتے ہوئے کہا کہ جہاں تک میری معلومات ہے اور جن کو میں جانتا ہوں ان مدرسوں کے ساتھ کیپٹن صفدر کا رابطہ تھا، ان مدرسوں کے لوگ میرے سپورٹر ہیں ان لوگوں نے کہا کہ شیخ صاحب! کیپٹن صفدر کے ساتھ نہیں
الجھنا آپ نے، یہ بات مجھے علمائے کرام نے کہی ہے کہ ممکن ہے کہ وہ دھرنے میں ہی آجائے جس پر میں نے کہا کہ مجھے کوئی اعتراض نہیں وہ آنا چاہتا ہے تو آجائے، کیپٹن صفدر راولپنڈی ڈسٹرکٹ میںاندر سے ڈبل کھیل رہا تھا، وہ وکٹ کے دونوں طرف کھیل رہا تھا۔
