اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید احمد نے کہا ہے کہ اب اسحاق ڈار پاکستان میں واپس نہیں آئے گا ،انہوں نے 300ارب روپے کی کرپشن کی ہے ،دبئی اور لندن میں بہت سے لوگوں کے اکاؤنٹ منجمند ہو جائیں گے ،حکومت نے مغربی طاقتوں کو خوش کرنے کیلئے آئین میں ترمیم کی ،
نوازشریف کہتے تھے کہ زاہد حامد استعفیٰ نہیں دیں گے ،ناموس رسالتؐ پر کوئی مسلمان سمجھوتہ نہیں کرسکتا ،انہوں نے ایک ماہ سے راجہ ظفر الحق کی رپورٹ دبا کر رکھی ہوئی ہے ۔وہ پیر کو نجی ٹی وی کو انٹرویو دے رہے تھے ۔انہوں نے کہا کہ حدیبیہ پیپرز ملز کیس کی آج سماعت ہے ،پورا شریف خاندان پکڑ میں آئے گا ، حکمرانوں کی نیت ہی خراب ہے جو کام کریں گے خراب ہی ہوگا ، پانامہ کیس کا فیصلہ سنانے والے پانچ ججز قوم کے ہیرو ہیں ، ججز نے انصاف پر مبنی فیصلہ سنایا ۔ شیخ رشید نے کہا کہ شریف خاندان کی سیاست مارچ سے پہلے ختم ہو جائے گی ، نوازشریف جب جیل جاتے ہیں تو معافی مانگتے ہیں ، نوازشریف قوم کو دھوکہ دینے کی باتیں کر رہے ہیں ۔انہوں نے کہا کہ یہ کاروباری لوگ ہیں ، کمانے کیلئے پیسہ لگاتے ہیں انہوں نے 300ارب روپے کی کرپشن کی ہے، اب اسحاق ڈار پاکستان واپس نہیں آئیں گے ، دبئی اور لندن میں بہت سے لوگوں کے اکاؤنٹ منجمند ہو جائیں گے ۔شیخ رشید نے کہا کہ حکومت نے مغربی طاقتوں کو خوش کرنے کیلئے آئین میں ترمیم کی ، نوازشریف کہتے تھے کہ زاہد حامد استعفیٰ نہیں دیں گے ،ناموس رسالتؐ پر کوئی مسلمان سمجھوتہ نہیں کرسکتا ،انہوں نے ایک ماہ سے راجہ ظفر الحق کی رپورٹ دبا کر رکھی ہوئی ہے ۔
