اسلام آباد (مانیٹرنگ ڈیسک)اسحاق ڈار کے بعد اب رانا افضل یا رانا تنویر یا کسی رانا کو یہ لوگ وزیر خزانہ بنا رہے ہیں، وزیراعظم شاہد خاقان نے قریبی دوستوں کو کہا ہے کہ میں نے نواز شریف کو مشورہ دیا تھا کہ آپ یہ بل قومی اسمبلی میں پیش نہ کریںکیونکہ اس کا ہمیں کوئی فائدہ نہیں ہے
یہ بل کمیٹی کو بھیج دیتے ہیں، اسحاق ڈار کے لونڈے ، چور اُچکے ، جن کو بغیر میرٹ پر پروموشنز دی گئی ہیں وہ لوگ اب انتقامی کارروائیاں کر رہے ہیں،سینئر صحافی چوہدری غلام حسین کی نجی ٹی وی پروگرام میں گفتگو۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی چوہدری غلام حسین نے کہا ہے کہ اسحاق ڈار کے بعد اب رانا افضل یا رانا تنویر یا کسی رانا کو یہ لوگ وزیر خزانہ بنا رہے ہیں اور یہ خبر ہمیں ایک وزیر نے دی ہے ۔وزیراعظم شاہد خاقان نے قریبی دوستوں کو کہا ہے کہ میں نے نواز شریف کو مشورہ دیا تھا کہ آپ یہ بل قومی اسمبلی میں پیش نہ کریں کیونکہ اس کا ہمیں کوئی فائدہ نہیں ہےیہ بل کمیٹی کو بھیج دیتے ہیں۔ اسحاق ڈار کے لونڈے ، چور اُچکے ، جن کو بغیر میرٹ پر پروموشنز دی گئی ہیں وہ لوگ اب انتقامی کارروائیاں کر رہے ہیں، ان کا ماننا ہے کہ اسحاق ڈار پاک صاف ہیں اور ان پر کیچڑ اُچھالا جا رہا ہے ۔ان کو نہیں معلوم کہ وہ ملک کو قرضوں میں دھکیل کر خفیہ طریقے سے ملک سے بھاگ گئے ہیں ۔وزیراعظم شاہد خاقان عباسی اسحاق ڈار کی پالیسیوں کے خلاف ہیں کیونکہ وہ سمجھتے ہیں کہ کچھ لوگوں کو وزارت خزانہ میں بغیر میرٹ کے لگایا گیا ہے ۔
