کوئٹہ (مانیٹرنگ ڈیسک) بلوچستان کے ضلع کیچ کے علاقے تربت میں غیر قانونی طور پر پنجاب سے ایران جانے والے پانچ افراد کو نا معلوم افراد نے اغواء کے بعد قتل کر کے لاشیں سڑک کنارے پھینک دیں،کمشنر مکران ڈویژن بشیر احمد بنگلزئی کے مطابق ہفتے کی صبح لیویز کو تر بت سے 70کلو میٹر کا فاصلے

پر واقع تجا بان کے پہاڑی علاقے ہیروک سے پانچ افراد کی لاشیں ملیں جنہیں اغواء کے بعد فائرنگ کر کے قتل کیاگیا ہے،جاں بحق افراد سے ملنے والی دستاویزات سے ان کی شناخت عثما ن قادر ولد صفدر حسین ،دانش علی ولد نذیر ،بدر منیرولد مشتاق،ثاقب علی ولد مقصوداور قاسم ولد مظہر کے نا موں سے ہوئی تما م افراد کا تعلق پنجاب کے گوجرنوالہ ڈویژن کے ضلع گجرات کے مختلف علاقوں سے ہے ،لیویز ذرائع کے مطابق مذکورہ افراد پنجاب سے غیر قانونی طور پر ایران اور وہاں سے یورپ جا نا چاہتے تھے ٗلاشوں کو جائے وقوع سے ہسپتا ل منتقل کردیا گیا ہے ،جہاں سے انھیں آبائی علاقوں میں منتقل کیاجا ئے گا لیویز اور سکیورٹی فورسز جائے وقو ع سے شواہد اکھٹے کر نے کے بعد ملزمان کی تلاش شرو ع کردی۔واضح رہے15نو مبر کو بھی مسلح افراد نے اغواء کے بعد فائرنگ کر کے پنجاب سے تعلق رکھنے والے 15افراد کو قتل کردیا تھا ، انسانی سمگلنگ ایجنٹس کے ذریعے پنجاب کے نو جوانوں کی بڑی تعداد غیر قانونی طور پر بلوچستان کے راستے ایران اور وہاں سے یورپ جا تی ہے جس کے خلاف کریک ڈاؤن میں پنجا ب کے مختلف علاقوں سے ایف آئی اے نے تین انسانی سمگلروں کو گرفتار کیا تھا ۔