اسلام آباد(مانیٹرنگ ڈیسک)عمران خان ن لیگ کی قیادت اور خصوصاََ شریف خاندان پر تنقید کے نشتر تو چلاتے ہی رہتے ہیں مگر اس بار انہوں نے نواز شریف کو کچھ الگ ہی انداز سے نشانہ بنایا ہے۔ انہوں نے سماجی رابطوں کی ویب سائٹ ٹویٹر پر اپنے ایک ٹویٹ میں نواز شریف اور جنرل ضیا الحق کی ایک پرانی تصویر شیئر کی ہے جس میں ضیا الحق آگے آگے گالف سٹک لئے چلے رہے ہیں جبکہ نوا ز شریف ان کے پیچھے ہیں، اس تصویر کے

ساتھ عمران خان نے اپنے ٹویٹر پیغام میں لکھا ہے کہ ’’ضیا کے پیروکار تحریک انصاف کو جمہوریت پر لیکچر دے رہے ہیں، یہ قیامت کی نشانی ہے‘‘۔ عمران خان کی اس ٹویٹ کا جواب دینے کیلئے وفاقی وزیر داخلہ احسن اقبال سامنے آئے اور انہوں نے کپتان کی ٹویٹ کے جواب میں عمران خان کی سافٹ ڈرنگ پیتے ہوئے جنرل پرویز مشرف کے ساتھ وردی میں ایک تصویر شیئر کی جس میں دونوں خوشگوار موڈ میں گفتگو کرتے نظر آرہے ہیں۔

موضوعات:احسن اقبال ٹویٹر جنرل پرویز مشرف ضیا الحق عمران خان نواز شریف