اسلام آباد (مانیٹرنگ ڈیسک) تحریک انصاف کے چیئرمین عمران خان کو رکن قومی اسمبلی داور کنڈی نے علی امین گنڈاپور کے خلاف خط دیا ہے، اس خط میں انہوں نے امین گنڈاپور پر الزام عائد کیا کہ وہ ڈیرہ اسماعیل خان میں لڑکی کو بے آبرو کرنے والوں کی سرپرستی کر رہے ہیں، انہوں نے خط میں کہا کہ علی امین تحریک انصاف کی بدنامی کا باعث بن رہے ہیں، انہوں نے کہا کہ متاثرہ خاندان نے علی امین پر ملزمان کی سرپرستی کا الزام عائد کیا ہے۔ خط میں

مطالبہ کیا گیا کہ وزیراعلیٰ پرویز خٹک علی امین گنڈا پور کو فوری طورپر وزارت سے ہٹا دیں۔ اس کے برعکس علی امین گنڈاپور کا کہنا ہے کہ داور خان متاثرہ لڑکی کے رشتے دار ہیں، داور خان متاثرہ خاندان کی لڑکی سے اپنی مرضی کا بیان دلوا رہے ہیں۔ یاد رہے کہ کچھ روز قبل ڈیرہ اسماعیل خان کے ایک گاؤں میں 16سالہ معصوم لڑکی سرعام برہنہ کرکے گاؤں میں گھسیٹا گیا اور تشدد کا نشانہ بنایاگیا، اس معاملے پر پولیس اپنی کارروائی کر رہی ہے۔