اسلام آباد (مانیٹرنگ ڈیسک) قندیل بلوچ کے قتل کے الزام میں گرفتار مفتی عبدالقوی کو سنٹرل جیل کی کوٹھڑی میں بند کر دیا گیا، تفصیلات کے مطابق سنٹرل جیل کی اس کوٹھڑی میں ملک اسحاق اور جمشید دستی بھی قید رہے تھے، ملتان کے ایک اخبار کے مطابق مفتی عبدالقوی کو سکیورٹی رسک کی بناء پر سنٹرل جیل میں منتقل کرنے کے بعد جیل

کے و ارڈ نمبر دو میں منتقل کر دیا گیا، اس کوٹھڑی میں کچھ ماہ قبل ایم این اے جمشید دستی نے بھی کچھ دن گزارے ہیں، قندیل بلوچ کے قتل میں مبینہ طور پر ملوث مفتی عبدالقوی نے گھر سے کھانا نہ آنے کی وجہ سے ناشتہ اور دوپہر میں جیل کا کھانا ہی کھایا، مفتی عبدالقوی نے جیل کے وارڈ نمبر دو کی مسجد میں ہی پانچ وقت کی نماز ادا کی۔

موضوعات:مفتی عبدالقوی