لاہور(مانیٹرنگ ڈیسک) لاہور ہائیکورٹ نے پیٹرولیم مصنوعات کی قیمتوں میں حالیہ اضافے کے خلاف دائر درخواست پر وفاقی حکومت سمیت دیگر فریقین کو نوٹس جاری کرتے ہوئے 16نومبر تک جواب طلب کر لیا۔ گزشتہ روز لاہور ہائیکورٹ کے مسٹر جسٹس شاہد بلال حسن کی سربرہی میں دو رکنی بنچ نے کیس کی سماعت شروع کی تو درخواست گزار اظہر صدیق ایڈووکیٹ نے موقف اختیار کیاکہ عالمی منڈی میں خام تیل کی قیمتوں میں کمی کے باوجود قیمتوں کی قیمتوں میں اضافہ کیا گیا ۔وفاقی حکومت نے پٹرولیم مصنوعات کی قیمتوں میں

کمی کی بجائے غیر قانونی طور پر اضافہ کیا،حکومت پہلے ہی پیٹرولیم امصنوعات پر غیر قانونی طور پر اضافی سیلز ٹیکس وصول کر رہی ہے،پیٹرولیم مصنوعات کی قیمتوں میں اضافہ اور سیلز ٹیکس بڑھانے سے قبل وفاقی حکومت سے منظوری بھی حاصل نہیں کی گئی۔ لہٰذا معزز عدالت سے استدعا ہے کہ پیٹرولیم مصنوعات کی قیمتوں میں ہونے والے حالیہ اضافہ کو کالعدم قرار دیا جائے ۔ جس پر فاضل عدالت نے وفاقی حکومت، وزارت پٹرولیم سمیت دیگر فریقین کو نوٹس جاری کرتے ہوئے 16نومبر کو جواب طلب کر لیا ۔