کراچی (مانیٹرنگ ڈیسک) تحریک انصاف کے چیئرمین عمران خان نے پارٹی کارکنوں اور فنکاروں کے کہنے پر ڈاکٹر عامر لیاقت کو پارٹی میں شامل کرنے سے انکار کردیا، تفصیلات کے مطابق چند روز قبل معروف مذہبی سکالر اور اینکر عامر لیاقت حسین کی تحریک انصاف میں شمولیت اختیار کرنے کی خبریں سامنے آئی تھیں اور گزشتہ روز انہوں نے عمران خان کے ہمراہ پریس کانفرنس میں تحریک انصاف میں شمولیت کا اعلان کرنا تھا۔ اس سلسلے میں معلوم ہوا ہے کہ تحریک انصاف کے کارکنوں، کئی رہنماؤں اور کئی نامور فنکاروں نے اس پر

بھرپور احتجاج کیا اور ایک طویل بحث کے بات تحریک انصاف کے چیئرمین عمران خان کو اس بات پر قائل کر لیا کہ عامر لیاقت کو پارٹی میں شامل نہیں کیا جائے گا۔ تحریک انصاف کے چیئرمین عمران خان کو اس بارے میں خدشہ ہے کہ کہیں عامر لیاقت کو پارٹی میں شامل نہ کرنے سے وہ ان کے خلاف کوئی پروپیگنڈہ شروع نہ کر دیں، اس لیے وہ چاہتے ہیں کہ انہیں پارٹی میں شامل کر لیا جائے، اس سلسلے میں پارٹی کارکنوں اور رہنماؤں کا کہناہے کہ عامر لیاقت کے منفی پروپیگنڈے کا بھرپور جواب دیا جائے گا انہیں آپ پارٹی میں شامل نہ کریں۔