اسلام آباد (مانیٹرنگ ڈیسک)مریم کے ہمراہ احتساب عدالت نہ آنے کی وجہ کیا ہے، کسی کو ہم میاں بیوی کے درمیان اختلافات کا شک ہے تو شام کو مجھ سے آکر مل لے، سکیورٹی کی وجہ سے اکٹھے نہیں آتے ،صحافی کے سوال پر کیپٹن (ر)صفدر کا جواب۔ تفصیلات کے مطابق آج پیشی کے موقع پر سابق وزیراعظم نواز شریف کی صاحبزادی مریم نواز کے شوہر کیپٹن(ر)صفدر جب احتساب عدالت پہنچے تو وہاں صحافیوں کی ایک بڑی تعداد بھی موجود تھی ۔ اس موقع پر ایک صحافی نے کیپٹن(ر)صفدر
سے سوال پوچھا کہ آپ اپنی اہلیہ مریم نواز کے ہمراہ احتساب عدالت کیوں نہیں آتے تو اس کا جواب دیتے ہوئے کیپٹن (ر)صفدر کا کہنا تھا کہ سکیورٹی کی وجہ سے وہ اور مریم نواز اکٹھے نہیںآتے۔ کیپٹن(ر)صفدر کا کہنا تھا کہ اگر کسی کو ہم میاں بیوی کے درمیان اختلافات کا شک ہے تو وہ شام کو مجھ سے آکر مل لے۔ عمران خان کی الیکشن کمیشن میں پیشی سے متعلق ایک سوال کا جواب دیتے ہوئے کیپٹن (ر)صفدر کا کہنا تھا کہ اصل کپتان میں ہوں عمران خان جعلی کپتان ہے ، آپ اس سے میرا موازنہ نہ کریں۔
