اسلام آباد (مانیٹرنگ ڈیسک) ڈاکٹر عامر لیاقت حسین کی تحریک انصاف میں شمولیت کے معاملے پر مشاورت جاری ہے، تفصیلات کے مطابق تحریک انصاف کے رہنما عمران اسماعیل کا کہنا ہے کہ ڈاکٹر عامر لیاقت تحریک انصاف میں شامل نہیں ہو سکے ہیں، انہوں نے کہا کہ عامرلیاقت کی تحریک انصاف میں شمولیت میں وقت لگے گا، اس سلسلے میں ابھی ان سے مشاورت جاری ہے، عمران اسماعیل نے کہا کہ ڈاکٹر عامر لیاقت اپنے ساتھیوں سمیت

تحریک انصاف میں شامل ہونا چاہتے ہیں،تحریک انصاف میں اور مزید اہم شخصیات شمولیت اختیار کریں گی، انہوں نے کہا کہ تحریک انصاف میں اور کون کون شامل ہورہاہے جلد سب کو پتہ چل جائے گا۔ واضح رہے کہ گذشتہ روز ڈاکٹر عامر لیاقت نے پھر سیاست میں آنے کا اعلان کرتے ہوئے کہا تھا کہ پاکستان تحریک انصاف میں شامل ہو رہا ہوں جس کا اعلان انہوں پریس کانفرنس کے ذریعے کرنا تھا، مگر ابھی تک اس سلسلے میں ان کی مشاورت جاری ہے۔