اسلام آباد(مانیٹرنگ ڈیسک)ریحام خان اور عمران خان کی طلاق کے بعد ایک کالم لکھا جس پر ردعمل کے طور پر پی ٹی آئی کے چند مشتعل نوجوانوں نے نازیبا زبان استعمال کی جس پر عمران خان نے مجھے فون کیا
اور ہم دونوں بات کرتے ہوئے رو پڑے، عامر لیاقت کا نجی ٹی وی پروگرام میں انکشاف۔ تفصیلات کے مطابق پاکستان کے معروف اینکر عامر لیاقت حسین نے نجی ٹی وی پروگرام میں موبائل میسج پر پوچھے گئے ایک سوال کا جواب دیتے ہوئے کہا کہ ریحام خان اور عمران خان کی طلاق کے موقع پر میں نے ایک کالم لکھا تھا جو مزاح پر مبنی تھا جس کا مقصد عمران خان کو تکلیف دینا ہر گز نہیں تھا ۔میرے اس کالم پر شدید ردعمل سامنے آیا اور تحریک انصاف کے چند مشتعل ورکروں نے میری والدہ محترمہ کے حوالے سے نازیبا کلمات کہے جس پر عمران خان نے مجھے معذرت کیلئے فون کیا اور ہماری فون پر ایک گھنٹہ تک بات ہوتی رہی اس دوران میں اور عمران خان بات کرتے ہوئے رو پڑے۔ عمران خان نے مجھے کہا کہ ایسا نہیں ہونا چاہئے تھا ، میری والدہ نہیں ہیں اور میں والدہ کی کمی اور ان کے مرتبے کو سمجھتا ہوں۔ عامر لیاقت حسین کا کہنا تھا کہ اس وقت عمران خان ٹوٹے ہوئے تھے کیونکہ حال ہی میں ان کا گھر ٹوٹاتھا۔ انہوں نے کہا کہ عمران خان کی کال کے بعدمعاملہ ختم ہو گیا تھا۔انہوں نے اس حوالے سے مزید کیا کہا۔۔ویڈیو ملاحظہ کریں!
