لاہور(ویب ڈیسک)وزیراعلیٰ پنجاب محمد شہبازشریف کا گورنمنٹ رجب طیب اردوان ہسپتال مظفرگڑھ کے توسیعی منصوبے کا اچانک دورہ۔وزیراعلیٰ ملتان میں سپیڈو بسز کے افتتاح کے بعد غیر اعلانیہ ہسپتال کے توسیعی منصوبے کا جائزہ لینے کے لئے پہنچے۔وزیراعلیٰ نے تعمیراتی کاموں کا معائنہ کیا اور واررڈز اور شعبوں میں جاری تعمیراتی کاموں کا جائزہ لیا۔وزیراعلیٰ کی آمد سے عملہ اور مزدوروں کو خوشگوار

حیرت ہوئی۔اس موقع پر وزیر اعلیٰ پنجاب شہبازشریف کا کہنا تھا کہ  حکومت جنوبی پنجاب کے لوگوں کو علاج معالجے کی بہترین اور معیاری سہولتوں کی فراہمی کے لئے گورنمنٹ رجب طیب اردوان ہسپتال میں 250 بستروں کا اضافہ کر رہی ہے۔اس ہسپتال میں توسیع سے لوگوں کو بے پناہ سہولت ملے گی۔اس موقع پر انہوں نے متعلقہ حکام کو ہدایت کی  کہ تعمیراتی کاموں پر کام کی رفتار کو مزید تیز کیا جائے۔