لاہور(مانیٹرنگ ڈیسک) وفاقی وزیر سینیٹر مشاہد اللہ خان نے کہا ہے کہ شیخ رشید ایجنسیوں کے ایجنٹ ہیں وہ صرف اپنی سیٹ بچانے کیلئے تحر یک انصاف کیساتھ ہیں ‘ نوازشر یف کے خلاف بدترین سازش کی گئی اور ان کو عہدے سے ہٹایا ملک کیلئے جوکام کر یگا اس کیلئے سزائیں ہیں ‘ عمران خان جلدا نتخابات چاہتے ہیں تو خیبر پختونخواہ کی اسمبلی توڑ کر وہاں الیکشن کروالیں پھر باقی کو بھی ایسا کر نا پڑ جائیگا ‘

ہمیں آج تک جواب نہیں ملا کہ رینجرز کو نیب عدالت کے باہر کس نے بجھوایا‘عمران خان ‘شیخ رشید اور آصف زرداری کی بیوی نہیں اس لیے وہ ذہنی طور پر مکمل طور پر درست نہیں ‘عمران خان کے اردگرد مشرف اور (ق) لیگ لوگ کھڑے ہیں ‘جس ملک میں الزام خان وہاں الزام نہ لگے تو کیا ہو؟آدھا پاکستان کر کٹ کھیلتا ہے مگر کس کس کے پاس بنی گالہ میں محالات ہیں ؟۔ اتوار کے روز اپنے ایک ٹی وی انٹر ویو میں وفاقی وزیر سینیٹر مشاہد اللہ خان نے کہا کہ عمران خان کا کام صرف الزامات لگانا ہے اور جسٹس افتخار محمد چوہدری کی پہلے تعریفیں کرتے ہیں اور پھر انکے ساتھ ساتھ کیا کر تے رہے ہیں سب جانتے ہیں ۔ انہوں نے کہا کہ شیخ رشید چاہتے ہیں قوم جاگتی رہے اور وہ سوتے رہے اور پیش گوئیاں وہ ہی کر تا ہے جس کو کہیں سے اطلاع ملتی ہے مگر یہ سب ناکام ہوں گے اور (ن) لیگ کی حکومت اور میاں نوازشر یف کامیابیوں کے ساتھ آگے بڑھتے رہیں گے ۔ ایک سوال کے جواب میں وفاقی وزیر نے کہا کہ شیخ رشید ایجنسیوں کے ایجنٹ ہیں 85کی اسمبلی میں مصطفی کھر خود اسمبلی میں کھڑ اہوکر کہہ چکے ہیں کہ شیخ رشید ان سے بھی ماہانہ تین چار ہزار لیتے رہے ہیں اور شیخ رشید صرف اپنی سیٹ بچانے کیلئے عمران خان اور تحر یک انصاف کا ساتھ دے رہے ہیں اسکے علاوہ کچھ نہیں ۔