اسلام آباد(این این آئی)پاکستان تحریک انصاف کے سربراہ عمران خان نے جمائما خان کو قرض ادا کرنے کی دستاویزات سپریم کورٹ میں جمع کروا دیں۔جمعہ کو پاکستان تحریک انصاف کے چیئرمین عمران خان نے سپریم کورٹ میں جمائما خان کوقرض ادا کرنے کی دستاویزات میں جمع کروا دیں ٗدستاویزات میں نیازی سروسزلمیٹڈ

کے اکائونٹ سے جمائما کوقرض کی ادائیگی ظاہرکردی گئی ہے ٗ نیازی سروسزکے اکائونٹ سے جمائما کو 5 لاکھ 62 ہزارپائونڈ کی ادائیگی کے دستاویز بھی شامل ہیں۔دستاویزات کے مطابق بنی گالہ کی تعمیرکے نقشے کے 79 ہزارپائونڈ جمائما نے عمران خان کو بھیجے جبکہ دستاویز سے اینگلو آئرش بینک سے جمائما کورقم وصول کرنا بھی ثابت ہوتا ہے۔ دستاویزات میں یہ ظاہرکیا گیا ہے کہ قرض کی ادائیگی کے بعد نیازی سروسزکے اکائونٹ میں ایک لاکھ پائونڈ کی رقم باقی رہ گئی، باقی رہ جانے والی رقم قانونی چارہ جوئی پرخرچ ہوئی اور اس کے بعد ایسا کچھ نہیں بچا تھا جوعمران خان اپنے گوشواروں میں ظاہر کرتے۔الیکشن کمیشن میں 2003 میں جمع گوشوارے میں رقم جمائما خان سے آنے کی تفصیل موجود ہے، عمران خان 2002 سے 2007 تک ممبر قومی اسمبلی رہے، ممبرقومی اسمبلی رہنے کے دوران عمران خان کو ایک لاکھ پائونڈ سے کوئی رقم نہیں ملی، 2013 کے الیکشن تک نیازی سروسز اکائونٹ میں پڑی تمام رقم خرچ ہو چکی تھی۔