اسلام آباد (مانیٹرنگ ڈیسک) تحریک انصاف کے چیئرمین عمران خان نے فیاض الحسن چوہان کو میرا شیر کہہ کر پکارا، تفصیلات کے مطابق سینئر صحافی و تجزیہ نگار کاشف عباسی نے ایک نجی ٹی وی چینل کے پروگرام میں گفتگو کرتے ہوئے کہا کہ ایک دفعہ فیاض الحسن چوہان کمرے میں داخل ہوئے تو تحریک انصاف کے چیئرمین عمران خان نے انہیں دیکھتے ہوئے کہا کہ میرا شیر آ گیا ہے۔ کاشف عباسی نے اس پر کہا کہ
عمران خان ایسا کہہ کر پارٹی کے دوسرے لوگوں کو کیا پیغام دینا چاہتے تھے؟ ان کے اس سوال پر تحریک انصاف کے رہنما اسد عمر نے کہا کہ عمران خان ایسے رہنما ہیں جو اسد عمر کی بھی تعریف کرتے ہیں اس کے علاوہ وہ اپنی جماعت سے وابستہ ہر فرد کی تعریف کرتے ہیں، عمران خان میرے بارے میں کہتے ہیں کہ جیسا یہ بولتا ہے ایسا تم لوگ بھی بولا کرو، آپ نے میرے منہ سے کتنے لوگوں کو گالیاں نکالتے ہوئے سنا ہے۔
