اسلام آباد(مانیٹرنگ ڈیسک) کراچی سے گرفتار ہونے والا کالعدم داعش کا دہشتگرد سرکاری ملازم نکلا، سوشل میڈیا پرکالعدم داعش کے 15اکائونٹس چلا رہا تھا۔ تفصیلات کے مطابق کراچی میں کالعدم تنظیم داعش کا گرفتار ہونے والا دہشتگرد سرکاری ملازم ہے ۔ یہ انکشاف اس کی گرفتاری کے بعد تفتیش
کے دوران ہوا ہے۔ ملزم ایک صوبائی ادارے میں ملازم تھا اور کالعدم تنظیم داعش کے سوشل میڈیا پر 15اکائونٹس چلا رہا تھا۔ تحقیقاتی ادارہ ملزم کے اکائونٹس کی آئی پیز ٹریس کر رہے ہیں۔ ملزم کو عدالت میں پیش کر دیا گیا ہے جہاں اس نے کالعدم تنظیم داعش سے تعلق کا اعتراف بھی کر لیا ہے۔
