اسلام آباد(مانیٹرنگ ڈیسک)شریف خاندان اور اسحاق ڈار کے خلاف دائر ریفرنسز سے متعلق پیشرفت رپورٹ نیب نے نگران جج جٹس اعجاز الاحسن کو پیش کر دی۔ تفصیلات کے مطابق نیب کے پراسیکیوٹر جنرل وقاص

ڈار نے شریف خاندان اور اسحاق ڈار کے خلاف ریفرنسز پر اب تک ہونیوالی پیشرفت رپورٹ نگران جج جسٹس اعجاز الاحسن کو پیش کر دی ہے جبکہ کیس میں گواہان کی فہرست بھی فراہم کی گئی ہے۔ رپورٹ میں نگران جج کو احتساب عدالت کے آرڈر شیٹ اور نیب کی جانب سے نواز شریف کے بچوں کے جاری ہونے والے وارنٹ گرفتاری کی نقول بھی شامل ہیں ۔ وقاص ڈار نے جسٹس اعجاز الاحسن کو مشکلات سے بھی آگاہ کیا۔ واضح رہے کہ نیب شریف خاندان اوراسحاق ڈارکے خلاف مقدمات میں ہونے والی پیش رفت کی ہفتہ وار پیشرفت رپورٹ معاملے کی نگرانی کرنے والے فاضل جج جسٹس اعجازالاحسن کو پیش کرنے کی پابند ہے۔خیال رہے کہ سپریم کورٹ نے پاناما کیس کے فیصلے میں نیب کو پابند کیا تھا کہ 6 ہفتوں کے دوران احتساب عدالت میں شریف خاندان اوراسحاق ڈار کے خلاف ریفرنسز دائر کئے جائیں جب کہ ٹرائل کورٹس 6 ماہ میں ان ریفرنسزپرفیصلہ سنائیں۔