راولپنڈی(این این آئی)پاکستان مسلم لیگ (ن) کے رہنما حنیف عباسی نے پیشگوئی کی ہے کہ عمران خان آئندہ 15 دنوں میں نااہل ہوجائیں گے۔نجی ٹی وی سے گفتگو کرتے ہوئے مسلم لیگ (ن) کے رہنما حنیف عباسی نے کہا کہ عمران خان نوشتہ دیوار پڑھ لیں وہ جلد نااہل ہونے والے ہیں ٗ سپریم کورٹ آئندہ 15 دنوں میں عمران خان کو نااہل کرنے کا فیصلہ دیگی اور اور شیخ رشید کب بیوہ ہوں گے پتہ چل جائے گا۔ حنیف عباسی نے کہا کہ عدالت میں صرف بینکنگ ٹرانزیکشن اور اسٹیٹمنٹ قابل قبول
ہوں گی جو عمران خان نے کبھی نہیں دی جبکہ ایک سال کا عرصہ گزر گیا عمران خان منی ٹریل بھی نہ دے سکے۔انہوںنے کہاکہ عمران خان آؤٹ ہوچکے ہیں ٗاب اس کیس میں کوئی گنجائش نہیں رہی ٗوہ خود کو بچانے کیلئے کبھی ایک دوست کو لے کر آتے ہیں تو کبھی دوسرے کو۔حنیف عباسی کا کہنا تھا کہ عمران خان نے ساری زندگی میں ڈیڑھ لاکھ سے زیادہ ٹیکس نہیں دیا۔انہوںنے کہاکہ عمران خان کی نا اہلی دیوار پر لکھی جا چکی ہے ٗ بس دیکھنا یہ ہے کہ وہ کتنے سال کیلئے نا اہل ہوتے ہیں ۔
