لاہور (آ ئی این پی )تحریک انصاف کے مقامی رہنما ملک ریاض عرف شوکت کھوکھر کو ان کے ڈیرے پر دیرینہ دشمنی پر مخالفین نے فائرنگ کر کے قتل کر دیا جبکہ بھائی اور ملازم سمیت 2افراد زخمی ہو گئے۔پولیس کے مطابق کاہنہ میں پی ٹی آئی رہنما ملک شوکت کھوکھراپنے ڈیرے پر تعمیر و مرمت کرا رہے تھے کہ ملزمان نے اندھا دھند فائرنگ کر دی۔گولیاں لگنے سے ملک شوکت کھوکھر موقع پر ہی دم توڑ گئے جبکہ ان کا

بھائی ارشاد اور ملازم نور زخمی ہو گئے۔مقتول کے ورثا نے شوکت خانم اسپتال کے قریب ٹائر جلا کر احتجاج کیا۔پولیس کی طرف سے ملزمان کی گرفتاری کی یقین دہانی کے بعد مظاہرین منتشر ہو گئے۔ پولیس کے مطابق ملک ریاض عرف شوکت کھوکھر کی غلام مصطفی گروپ سے دشمنی تھیدریں اثناء نجی ٹی وی کے مطابق جونہی یہ خبر تحریک انصاف کی اعلیٰ قیادت تک پہنچی تو انہوں نے اس واقعے کی شدید الفاظ میں مذمت کی اور پنجاب حکومت سے مطالبہ کیا کہ ملزموں کو فوری گرفتار کیا جائے۔