اسلام آباد(مانیٹرنگ ڈیسک)ن لیگ کے دو بڑوں نے چوہدری نثار کو پارٹی صدر بنانے کا فیصلہ کر لیا، اعلان جلد متوقع۔ ایک اخباری رپورٹ کے مطابق سابق وزیراعظم نواز شریف اور مسلم لیگ ن کے چیئرمین راجہ ظفر الحق کے درمیان ایک ملاقات کے دوران چوہدری نثار کو مسلم لیگ ن کا صدر بنائے جانے پر اتفاق کر لیا گیا ہے۔ نواز شریف اور ظفر الحق کے درمیان ملاقات کے دوران چوہدری نثار بھی موجود تھے۔ بتایا جا تا ہے کہ دو بڑوں

کے اجلاس میں چوہدری نثار کی موجودگی میں اس بڑے فیصلے کے بعد ہی چوہدری نثار وزیراعظم نواز شریف کی پریس کانفرنس میں شمولیت پر رضامند ہوئے اور ان کے چہرے پر اطمینان کے تاثرات دیکھے گئے تھے۔ واضح رہے کہ الیکشن کمیشن کی جانب سے مسلم لیگ ن کو صدر منتخب کرنے کیلئے ایک نوٹس جاری کیا گیا ہے جس کے بعد چوہدری نثار کے مسلم لیگ ن کے صدر بنائے جانے کے حوالے سے امکانات روشن ہو گئے ہیں۔

موضوعات:چوہدری نثار راجہ ظفر الحق مسلم لیگ ن صدر نواز شریف