اسلام آباد (مانیٹرنگ ڈیسک) بیگم کلثوم نواز کی طبیعت مزید بگڑ گئی، نواز شریف کی آج شام لندن روانگی کا امکان۔ تفصیلات کے مطابق کینسر کے علاج کے سلسلے میں لندن میں مقیم سابق وزیراعظم نواز شریف کی اہلیہ بیگم کلثوم نواز کی طبیعت مزید بگڑنے کی اطلاعات ہیں جس کے باعث امکان ظاہر کیا جا رہا ہے کہ نواز شریف آج
شام ہی لندن روانہ ہو جائیں گے ۔واضح رہے کہ احتساب عدالت میں پیشی کے دوران بھی نواز شریف نے اپنی اہلیہ بیگم کلثوم نواز کی صحت سے متعلق عدالت کو آگاہ کیا ہے۔ دوسری جانب ذرائع کے مطابق لندن روانگی کیلئے نواز شریف کسی بھی لاہور کیلئے روانہ ہو سکتے ہیں ، وہ لندن جانے کیلئے لاہور سے پرواز میں بیٹھیں گے۔
