اسلام آباد(مانیٹرنگ ڈیسک) نجی ٹی وی کے پروگرام میں گفتگو کرتے ہوئے سینئر صحافی صابر شاکر نے کہا ہے کہ پاکستان تحریک انصاف کے سربراہ عمران خان نے جب این اے 120کے الیکشن کیلئے ڈاکٹر یاسمین راشد کا نام فائنل کر دیا تو اس کے بعد پی ٹی آئی کے دو سینئر ترین رہنمائوں نے یہ کوشش کی کہ یہ ٹکٹ چوہدری سرور صاحب کو مل جائے، کسی نے ان سے پوچھا کہ یہ ٹکٹ چوہدری سرور کو کیوں ملے تو انہوں

نے جواب دیا کہ یہ بہت تنگ کر رہا ہے، اچھل کود رہا ہے، اس لئے اچھا ہے کہ اس حلقے سے اس کی ضمانت ضبط ہوگی، یہ گلاسکو چلا جائے گا اور ہماری جان چھوٹ جائے گی، اندر ون خانہ یہ بھی کوششیں ہوتی رہی ہیں کہ کسی بھی طریقے سے ڈاکٹر صاحبہ کو ٹکٹ نہ مل سکے، صابر شاکر نے کہا کہ اب یہ عمران خان کی ذمہ داری ہے کہ وہ اپنی پارٹی کے اندر دیکھیں کہ ایسے لوگ کیوں اور کیا کر رہے ہیں۔