لاہور(مانیٹرنگ ڈیسک)آپ میں سے ہر طالب علم پاکستان کا سفیر ہے۔ آپ اپنے عمل اور محنت سے ثابت کریں کہ پاکستانی بہترین قوم ہیں۔آپ نے اپنے طرز عمل سے ملک و قوم کا نام روشن کرنا ہے۔ محنت سے ترک زبان سیکھیں کیونکہ محنت ہی کامیابی کا راستہ ہے۔ ان خیالات کا اظہار وزیر اعلیٰ پنجاب شریف نے استنبول میں پاکستانی طلبا سے خطاب کرتے ہوئے کیا۔شہبازشریف کا کہنا تھا کہ پنجاب حکومت مزید طلبا و طالبات کو ترک زبان سکھانے کیلئے ترکی بھیجے گی۔
آپ کی طرح ان طلبا و طالبات کے تمام اخراجات پنجاب حکومت برداشت کرے گی۔ اس موقع پر طلبا نے کہا کہ وہ وزیراعلیٰ محمد شہبازشریف اور پنجاب حکومت کے شکرگزار ہیں۔وزیراعلیٰ کی ذاتی دلچسپی کے باعث ہمیں ترک زبان سیکھنے کا موقع فراہم کیا گیا ہے۔ترکی میں جہاں بھی جاتے ہیں، محبت کے مظاہرے دیکھنے میں آتے ہیں۔ ہم آپ کے فراہم کئے گئے موقع کا بہترین فائدہ اٹھائیں گے۔تقریب سے خطاب کرتے ہوئے پاکستانی قونصلیٹ ڈاکٹر یوسف جنید نے کہا کہ ترک زبان سیکھنے والے بچوں کو ہر طرح کی سہولتیں فراہم کر رہے ہیں۔ طلبا و طالبات کو آئندہ بھی سہولتوں کی فراہمی جاری رہے گی۔ ڈاکٹر یوسف جنیدترکی میں پاکستان کے سفیر سائرس سجاد قاضی (Mr.Syrus Sajjad Qazi) بھی اس موقع پر موجود تھے۔
واضح رہے کہ پنجاب حکومت کے ترکش زبان سکالرشپ پروگرام کے تحت پاکستان کی تاریخ میں پہلی بار 30 طلبا و طالبات کا وفد ترکی کی معروف یونیورسٹی آف استنبول میں ترک زبان سیکھ رہا ہے۔ان طلبا و طالبات کے ترک زبان سیکھنے کے تمام اخراجات پنجاب حکومت نے برداشت کئے ہیں۔
