اسلام آباد (این این آئی)پاکستان مسلم لیگ (ن) کے رہنما مصدق ملک نے کہا ہے کہ چوہدری نثار علی خان نوازشریف کے وفا دار ساتھی ہیں ٗ اختلاف رائے جمہوریت کا حسن ہے ٗ بے نظیر بھٹو اور ذو الفقار علی بھٹو کی جمہوریت کیلئے بہت قربانیاں ہیں ٗ انکارنہیں کیا جاسکتا۔ایک انٹرویومیں انہوں نے کہا کہ نیب کے قانون کے مطابق سب سے پہلے شکایت موصول ہوتی ہے پھر شکایت کا جائزہ لیا جاتا ہے ،
پھر سمجھتے ہیں کہ شکایت ٹھیک ہے تو انکوائری کی جاتی ہے اور جب سمجھتے ہیں کہ شکایت تحقیقات کے قابل ہے تب جاکر اس پر عمل درآمد کا فیصلہ ہوتا ہے ۔ مگر ہمارے ساتھ ایسا نہیں ہوا ۔ انہوں نے کہا کہ اب جب نیب میں ہمارے خلاف ریفرنس دائر کیے گے ہیں اورنیب کو اگلے چھے ماہ تک کا پابند بنایا گیا ہے اسکے بعد الیکشن ہونے ہیں اس تمام حسن اتفاق کو نظر میں رکھ کر ہم سمجھتے ہیں کے ہمارے ساتھ پہلے کی طرح اب بھی انصاف نہیں ہوگا ایک سوال کے جواب میں انہوں نے کہا کہ بینظیر بھٹو اور ذولفقار علی بھٹوکی جمہورت کے لئے بہت قربانیاں ہیں ان سے انکار نہیں کیا جاسکتا مگر بے نظیر ماضی تھیں اب مستقبل مریم نواز شریف کی ہے انہوں نے کہا کہ جب سابق وزیراعظم میاں نواز شریف کو ملک بدر کیا گیا تھا تو اس وقت بھی مریم نواز شریف نے اپنی والدہ کے ساتھ ملکر جمہوریت کے لئے آمریت سے جنگ کی تھی اور آج بھی وہ جمہوریت کی بہتری کیلئے کردار ادا کر رہی ہیں ایک اور سوال کے جواب میں انہوں نے کہا کہ چودھری نثار علی خان میاں نواز شریف کے وفادار ساتھی ہیں اور اختلاف رائے ان سمیت سب کا بنیادی حق ہے اور اختلاف رائے پارٹی اور جمہوریت کے اندر حسن ہے ۔
