لاہور ( این این آئی) سابق وزیر اعظم محمد نواز شریف کی صاحبزادی مریم نواز کی ریلی میں سیفلیوں کی بہار رہی اور کارکن انکی گاڑی کے ساتھ سیلفیاں بناتے رہے جبکہ متعدد کارکن ان کی گاڑی کو بھی چومتے رہے ۔ تفصیلات کے مطابق مریم نواز نے این اے 120سے مسلم لیگ (ن) کی امیدوار اور اپنی والدہ کلثوم نواز کی انتخابی مہم کا باقاعدہ آغاز کیا ۔

وہ جاتی امراء رائیونڈ سے ریلی کی صورت میں داتا دربار حاضری دینے کے لئے پہنچیں جہاں کارکن ان کی گاڑی کے ساتھ سیلفیاں بناتے رہے ۔ اس کے بعد وہ مزنگ میں انتخابی دفتر کے افتتاح کے لئے بھی ریلی کی صورت میں پہنچیں اور اس موقع پر کارکنوں کی بڑی تعداد ان کی گاڑی کے ساتھ سیلفیاں لینے کے ساتھ ویڈیو بھی بناتی رہی ۔جبکہ متعدد کارکن ان کی گاڑی کو بھی چومتے رہے۔

موضوعات:مریم نواز