اسلام آباد (مانیٹرنگ ڈیسک) پاکستان آرمی چیف جنرل قمرجاوید باجوہ تین روزہ سرکاری دورے پر تاجکستان پہنچ گئے ہیں، آئی ایس پی آر کے مطابق آرمی چیف چار ملکی انسداد دہشت گردی فورم میں پاکستان کی نمائندگی کریں گے۔ اس فورم کا چین، تاجکستان اور افغانستان بھی حصہ ہیں۔ آرمی چیف جنرل قمر جاوید باجوہ نے تاجکستان آمد کے فوری بعد تاجکستان کے وزیر دفاع شیردل مرزا اور چین کے چیف آف جوائنٹ اسٹاف جنرل لی زوچنگ

سے الگ الگ ملاقاتیں کیں۔ آئی ایس پی آر کا کہنا ہے کہ چار ملکی فورم آئندہ دو روز کے دوران خطے کی سکیورٹی صورتحال، انسداد دہشت گردی کی کوششوں اور افغانستان کے مسئلے کے حل کے لیے پیش رفت سے متعلق امور پر تفصیلی بات چیت کریں گے۔اس انسداد دہشت گردی فورم کے اجلاس کا ایجنڈہ چاروں ملکوں کے درمیان کئی ماہ کی طویل مشاورت کے بعد تیار کیا گیا ہے۔ امید ہے پاکستان آرمی چیف کا یہ دورہ ثمر آور رہے گا۔

موضوعات:جنرل قمرجاوید باجوہ