اسلام آباد(مانیٹرنگ ڈیسک) سانحہ ماڈل ٹائون میں وزیراعلیٰ پنجاب شہباز شریف، وزیر قانونی پنجاب رانا ثنا اور توقیر شاہ ملوث، باقرنجفی رپورٹ میں نام شامل ہیں، سینئر اینکر و تجزیہ کار مبشر لقمان کا دعویٰ۔تفصیلات کے مطابق نجی ٹی وی پروگرام میں گفتگو کرتے ہوئے سینئر اینکر و تجزیہ کار مبشر لقمان نے دعویٰ کرتے ہوئے کہا ہے کہ سانحہ ماڈل ٹائون میں وزیراعلیٰ پنجاب میاں محمد شہبازشریف، وزیرقانون پنجاب رانا ثناء اللہ اور توقیر شاہ
کسی نہ کسی طریقے سےملوث ہیں۔ جسٹس باقر نجفی کی رپورٹ کے مطابق ایسی کوئی شواہد نہیں ملے کہ جس سے یہ بات ثابت ہوسکے کہ منہاج القران کے اندر سے باہر پولیس پر فائرنگ کی گئی جس کے ردعمل میں پولیس نے فائرنگ کی ہو۔واضح رہے کہ سانحہ ماڈل ٹاون کی رپورٹ پبلک کرنے کے لیے لاہور ہائیکورٹ میں آج کیس کی سماعت کی تاریخ مقررہے تاہم رپورٹ کب پبلک ہوگی اس بارے میں حتمی طور پر کچھ نہیں کہا جا سکتا۔
