لاہور( این این آئی)سابق وزیر اعظم محمد نواز شریف نے گزشتہ روز اپنی اہلیہ بیگم کلثوم نواز سے ٹیلیفونک رابطہ کر کے ان کی خیریت دریافت کی ۔ بیگم کلثوم نواز اپنے علاج کے لئے لندن میں موجود ہیں اور میڈیا رپورٹس کے مطابق ڈاکٹروں نے مختلف رپورٹس کے بعد گلے کے کینسر کی تشخیص کی ہے ۔
نواز شریف نے اپنی اہلیہ سے ٹیلیفونک رابطے میں مختلف رپورٹس بارے تفصیلی آگاہی حاصل کی ۔ذرائع کا کہنا ہے کہ کلثوم نواز کی بیماری کے پیش نظر نواز شریف کسی بھی وقت لندن روانہ ہوسکتے ہیں جس کی تمام تیاریاں مکمل کرلی گئی ہیں۔
