اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی و تجزیہ نگار حامد میر نے انکشاف کیا ہے کہ نواز شریف نہ صرف بےنظیر بھٹو کی دو حکومتوں کے خاتمے میں شامل تھے بلکہ ضیا الحق نے جو محمد خان جونیجو کی حکومت برطرف کی تو اس وقت بھی نواز شریف بھی ان کے ساتھ تھے۔ جب ضیا الحق نے جونیجو حکومت کو برطرف کی تھی تب نواز شریف نے ضیا الحق
کے اس آمرانہ اقدام کی حمایت کی تھی۔ اس کے بعد 1990میں صدر غلام اسحاق خان نے بے نظیر کی حکومت کو برطرف کیا تھا تب وہ نگران حکومت کا حصہ بن گئے، اس کے بعد دوبارہ جب فاروق لغاری نے بے نظیر کی حکومت برطرف کی تو نواز شریف اس سازش کا حصہ تھے اور وزرائے اعظم کے حکومتیں پوری نہ کرنے کا جو کچھ نواز شریف کہہ رہے ہیں اس میں کئی جگہ نواز شریف کا خود بھی ہاتھ تھا۔
