لاہور(این این آئی) الیکشن کمیشن نے قومی اسمبلی کے حلقہ این اے 120 میں ترقیاتی فنڈ ز کے اجراء کا نوٹس لے لیا ۔ الیکشن کمیشن نے حلقہ این اے 120میں ترقیاتی فنڈ ز کے اجراء کو الیکشن شیڈول کی خلاف ورزی قرار دیتے ہوئے محکمہ ترقیاتی
ومنصوبہ بندی، چیف سیکرٹری اور آئی جی سے رپورٹ طلب کرلی ہے۔ الیکشن کمیشن کے مطابق الیکشن شیڈول کے بعد ترقیاتی فنڈز کا اجراء ضابطہ اخلاق کی خلاف ورزی ہے ۔واضح رہے کہ حلقہ این اے 120میں ضمنی انتخاب 17ستمبر کو ہو گا ۔
